उर्लाबारी, ६ मंसिर
जीवन बचाउ उपचार सेवा गृह उर्लाबारीको अध्यक्षमा पुनः पवन थापा चयन हुनुभएको छ । संस्थाको कार्यालय उर्लाबारी–७ बैंसाबारीमा आज सम्पन्न २० औं चुनावी वार्षिक साधारणसभाले थापा नेतृत्वको कार्यसमिति सर्वसम्मत् चयन गरेको हो ।
नवगठित समितिको उपाध्यक्षमा दीपेन्द्रकुमार दास, सचिबमा कमल कार्की, सह–सचिबमा विश्वास बुढाथोकी, कोषाध्यक्षमा मञ्जु परियार रहनुभएकोछ । यस्तै, सदस्यहरुमा अम्बिका निरौला, बबिता निरौला, हेम लिम्बू, लक्ष्मण गुरुङ्ग र हर्क तामाङ्ग, लेखा संयोजकमा गोपाल गौतम, लेखा सचिवमा ध्रुबचन्द्र पराजुली र लेखा सदस्यमा निर्मला दाहाल रहनुभएको छ ।
उर्लाबारी नगरपालिकाका नगर प्रमुख गंगाप्रसाद खरेलको प्रमुख आतिथ्यता तथा संस्थाका अध्यक्ष पवन थापाको अध्यक्षतामा भएको साधारणसभामा प्रमुख अतिथि खरेलसहित उर्लाबारी–७ की वडाध्यक्ष उर्मिला थापा, उर्लाबारी उद्योग वाणिज्य संघका अध्यक्ष तारमान सेरेङ लिम्बू, नेकपा एमाले उर्लाबारीका अध्यक्ष निरोज तिम्सिना, संस्थाका सल्लाहकार जयधर्म आचार्य, युवा व्यवसायी सचिन शाक्यलगायतले शुभकामना मन्तव्य राख्नुभएको थियो ।
जीवन बचाउ उपचार सेवा गृहले हालसम्म २ हजार ३ सयभन्दा बढीको उपचार गरेको गृहका इञ्चार्ज रविन्द्र दाहालले जानकारी दिनुभयो ।
