उर्लाबारी, १ वैशाख
पछिल्लो समय मोरङको उर्लाबारी–२ स्थित वेतिनी सिमसार क्षेत्र पर्यटकको आकर्षणको केन्द्र बनेको छ । वेतिनी सामुदायिक वनभित्र पने सिमसारमा घुम्न र वनभोज खान आउने आन्तरिक पर्यटकको संख्या बढ्दै गएको छ ।
यो सिमसारमा नयाँ वर्षको अवसरमा ६ हजारभन्दा बढी आन्तरिक पर्यटकले अवलोकन गरेका छन् । बैशाख १ गते घुम्न आएका पर्यटकको अत्यधिक भीडका कारण व्यवस्थापन गर्न चुनौती भएको अध्यक्ष भीमबहादुर राईले बताउनुभयो ।
नयाँ वर्ष मनाउन प्राकृतिक गन्तव्य रोज्नेहरूको संख्या बढेसँगै बेतनी सिमसार आन्तरिक पर्यटनको आकर्षक केन्द्र बन्दै गएको देखिएको सचिव अर्जुन बास्तोला बताउनुहुन्छ ।
