About us    Advertise    Nepali Unicode    Preeti to Unicode               

उर्लाबारी, १० मंसिर
उर्लाबारी–५ स्थित हाम्रो बचत तथा ऋण सहकारी संस्थाले ३० औं स्थापना दिवस विविध कार्यक्रम गरी मनाएको छ । आज संस्थाको सभाहलमा रक्तदान, ज्येष्ठ नागरिक सम्मान, उत्कृष्ट बचतकर्ता, असल ऋणी, शेयर सदस्यका उत्कृष्ट जिपिए ल्याउने छोराछोरी र उत्कृष्ट कर्मचारी सम्मान गरी स्थापना दिवस मनाइएको हो ।
संस्थाका अध्यक्ष मनोरथ भण्डारीको अध्यक्षतामा भएको कार्यक्रममा संस्थामा सदस्य बनेको १० वर्ष पुगेका ७५ वर्ष उमेरमाथिका ४० जना ज्येष्ठ सदस्यलाई जनही १२ सय नगदसहित सम्मान गरिएको थियो । यस्तै, ६१ वर्ष माथि उमेर समूहका २५ जनालाई सम्मान गरिएको थियो ।
संस्थाले शेयर सदस्यका छोराछोरीमध्ये एसएलसी परीक्षामा उत्कृष्ट जिपिए प्राप्त गर्ने २ छात्र र २ छात्रालाई जनही २५ सय नगदसहित सम्मान गरेको कोषाध्यक्ष रोशन दाहालले जानकारी दिनुभयो । यस वर्ष उत्कृष्ट कर्मचारीको रुपमा इन्द्रलाल ओझालाई सम्मान गरिएको छ । संस्थाले प्रत्येक वर्ष पत्रकार सम्मान गर्दै आएकोमा यस वर्ष भने उक्त सम्मान गरिएन ।


स्थापना दिवसकै अवसरमा आयोजित रक्तदान कार्यक्रममा ५२ पिन्ट रगत संकलन भएको संस्थाका सचिव ज्ञानेन्द्र भट्टराईले जानकारी दिनुभयो । नेपाल रेडक्रस सोसाइटी उर्लाबारीको प्राविधिक सहयोगमा रक्तदान कार्यक्रम गरिएको थियो । हाम्रो बचतमा ७ हजारभन्दा बढी शेयर सदस्यहरु रहेका छन् ।

50% LikesVS
50% Dislikes

प्रतिक्रिया

सम्बन्धित खवर

ताजा समाचार

लोकप्रिय