दमक, ११ असोज
झापाको दमकमा मुख्य कार्यालय रहेको स्वर्णलक्ष्मी बचत तथा ऋण सहकारी संस्था लि. को अध्यक्षमा पुनः अध्यक्ष बुद्धिसागर बराल चयन हुनुभएको छ । संस्थाको निर्वाचन कार्यक्रम अन्तर्गत अध्यक्षलगायत पदाधिकारी, सदस्य, लेखा समिति सर्वसम्मत् निर्वाचित भएको हो ।
९ सदस्यीय सञ्चालक समितिको उपाध्यक्षमा सन्जीव रिमाल, सचिवमा चन्द्रमाया निरौला, कोषाध्यक्ष प्रेमकुमारी रिजाल रहनुभएको छ । यस्तै, सञ्चालक सदस्यमा गंगा पौडेल, भीमबहादुर रायमाझी, राजेन्द्र श्रेष्ठ, भरतकुमार ढकाल, दिनेशकुमार अधिकारी चयन हुनुभएको छ । लेखा सुपरीवेक्षण समिति संयोजक गायत्रीप्रसाद पराजुली तथा सदस्यमा सुशीला काफ्ले र अविचन्द्र प्रसाई निर्विरोध निर्वाचित हुनुभएको हो ।
संस्थाको १६ औँ चुनावी साधारणसभा अन्तर्गत जेनजी आन्दोलनका कारण स्थगत गरिएका इकाइगत साधारणसभा असोज २६ गतेदेखि हुने भएका छन् । सुरुङगा र गौरादह सेवा केन्द्र इकाइगत साधारणसभा यसअघि नै सम्पन्न भइसकेको र असोज २६ गते झिलझिले सेवा केन्द्र, असोज २७ गते उर्लाबारी सेवा केन्द्र अन्तर्गत साधारणसभा गरिने साथै असोज २८ गते दमकमा साधारणसभा सम्पन्न गरिने व्यवस्थापक कमलकुमार घिमिरेले जानकारी दिनुभयो ।
