About us    Advertise    Nepali Unicode    Preeti to Unicode               

उर्लाबारी, २० असोज
हाम्रो बचत तथा ऋण सहकारी संस्था लि. उर्लाबारी–५ को नयाँ कार्यसमिति चयनका लागि भोलि हुने निर्वाचनका लागि निर्वाचन समितिले उम्मेदवारको अन्तिम नामावली सार्वजनिक गरेको छ । हिजो दिनभर भएको सहमति प्रयास विफल भएपछि अध्यक्षसहित छ पदमा निर्वाचन हुने भएको हो ।
अध्यक्ष पदमा वर्तमान अध्यक्ष ढकबहादुर थापा (डिवी) र वर्तमान सचिव रामकुमार बुढाथोकीबीच प्रतिस्पर्धा हुने भएको छ । सहमति हुन नसकेपछि अध्यक्ष पदका दुवै उम्मेद्वार भोट माग्न व्यस्त भएका छन् । यस्तै, उपाध्यक्षमा इन्दिरा राई र गणेश दुलाल, सहसचिवमा बन्धुकुमार निरौला, निरमला गौतम र डिल्लीराम गौतम चुनावी प्रतिस्पर्धामा छन् । खुला तीन सदस्यका लागि ७ जनाबीच प्रतिस्पर्धा हुने भएको छ । सदस्यमा रुपचन्द्र दाहाल (रोशन), केशरबहादुर चौहान (केदार), राजेन्द्र कार्की, रेवत सुवेदी, चेतराजसिंह श्रेष्ठ, कमलराज गौतम र टोमनाथ गौतम उम्मेद्वार छन् । यसअघि सदस्यमा उम्मेद्वारी दर्ता गराएका चिन्तामणि भट्टराई, मित्रप्रसाद ढकाल, कृष्णप्रसाद लुइटेल र कृष्णराज गुरुङले उम्मेद्वारी फिर्ता लिएका छन् ।
संस्थाको सचिवमा मनोरथ भण्डारी, कोषाध्यक्षमा ज्ञानेन्द्र भट्टराई, लेखा समिति संयोजकमा विकास बुढाथोकी, कार्यसमिति सदस्य महिलातर्फ हिमादेवी राई, शान्ताकुमारी राई प्रधान र ममता पाण्डे तथा लेखा समिति सदस्यमा चेतराज श्रेष्ठ र सविन गौतम निर्विरोध निर्वाचित भएका छन् । लेखा समिति संयोजकमा वृन्दा पौडेल न्यौपानेले उम्मेद्वारी फिर्ता लिएपछि बुढाथोकी सर्वसम्मत निर्वाचित भएका हुन् । भोलि हुने निर्वाचनका लागि वडा वडाबाट छानिएर आएका साढे छ सय बढी प्रतिनिधिले मतदान गर्ने संस्थाका अध्यक्ष डिवी थापाले जानकारी दिए ।

प्रतिक्रिया

सम्बन्धित खवर

ताजा समाचार

लोकप्रिय