About us    Advertise    Nepali Unicode    Preeti to Unicode               

उर्लाबारी, २१ असार
उर्लाबारीमा मंगलबार आयोजित एक कार्यक्रममा सहभागीले कानुनी रुपमा जातीय छुवाछुतको अन्त्य भएपनि व्यवहारिक रुपमा अझै अन्त्य हुन नसकेको बताएका छन् । राष्ट्रिय आदिवासी जनजाति महिला महासंघ उर्लाबारीले उर्लाबारी–५ स्थित बौद्ध गुम्बामा आयोजना गरेको छुवाछुत तथा भेदभाव अन्त्य सम्बन्धी अन्तरक्रिया कार्यक्रममा सहभागीहरुले कानुनमा मात्र नभई व्यवहारिक रुपमै भेदभावको अन्त्य हुनुपर्ने बताए ।
कार्यक्रमका प्रमुख अतिथि उर्लाबारी वडा नं. ५ का वडाध्यक्ष रविन लामाले छुवाछुत अन्त्यका लागि सबैको उत्तिकै जिम्मेवारी रहने बताए । बहुभाषी, बहुधार्मिक, बहुजातीय मुलुक नेपालमा छुवाछुत जस्ता कुप्रथा जरैदेखि उखेलिनु पर्ने बताए । सो अवसरमा अन्तर्राष्ट्रिय तामाङ घेदुङका पूर्व अध्यक्ष महेन्द्रजंग तामाङ, नेपाल आदिवासी जनजाति महासंघ नगर समिति अध्यक्ष मणिलाल श्रेष्ठलगायतले मन्तव्य राखेका थिए ।
कार्यक्रमको दोस्रो सत्रमा अधिवक्ता इन्द्रकुमार लुइटेल, दलित युवा सञ्जाल उर्लाबारीका महासचिव तिलक नेपालीले जातीय छुवाछुत, यसका असर र कानुनी व्यवस्थाका बारेमा जानकारी गराइएको थियो । राष्ट्रिय आदिवासी जनजाति महिला महासंघ नगर अध्यक्ष सीतामाया राईको सभापतित्वमा भएको कार्यक्रममा एक सय जनाभन्दा बढी सहभागी थिए ।

50% LikesVS
50% Dislikes

प्रतिक्रिया

सम्बन्धित खवर

ताजा समाचार

लोकप्रिय