उर्लाबारी, २७ जेठ
मोरङको मिक्लाजुङ–९ की तुलसादेवी अधिकारीले बजाजले नयाँ वर्ष २०७९ को अवसरमा ल्याएको ‘बजाज पाँचको पन्च’ को बम्पर उपहार जितेकी छिन् । उर्लाबारी बजाज शो रुम तथा श्री गणेश ट्रेड लिंकबाट गत महिना मोटरसाइकल खरिद गरेकी उनले बम्पर उपहार अन्तर्गत १० लाख रुपैयाँ प्राप्त गरेकी हुन् ।
आज एक कार्यक्रमका बीच उनलाई १० लाख रुपैयाँको चेक हस्तान्तरण गरिएको छ । श्री गणेश ट्रेड लिंकका प्रोपाइटर रामनारायण शाह, गोल्छा ग्रुपका सिनियर रिजनल अफिसरहरु जनार्दन निरौला र जोसन बिष्ट र टेक्निकल रिजनल अफिसर सुमन यादवले अधिकारीलाई चेक हस्तान्तरण गरे ।
नयाँ वर्षमा बजाजले सोचेर, हेरेर, किनेर, भनेर अनि बम्बर जितेर ५ पटकसम्म पुरस्कार जित्ने मौका दिएको थियो । उक्त पाँचै चरण पार गरेर तुलसादेवी अधिकारीले १० लाख रुपैयाँ प्राप्त गरेकी हुन् । सो अवसरमा बजाज शो रुम उर्लाबारीका प्रोपाइटर रामनारायण शाहले बम्पर अफर प्राप्त गरेकोमा अधिकारीलाई बधाई दिँदै रकमको सही सदुपयोग गर्न आग्रह गरे ।
