About us    Advertise    Nepali Unicode    Preeti to Unicode               

उर्लाबारी, २२ वैशाख
आगामी वैशाख ३० गतेका लागि तोकिएको स्थानीय तहको निर्वाचनका लागि मोरङको उर्लाबारी नगरपालिकामा नेकपा एमालेबाट उपमेयरमा मीना खतिवडा पौडेलले उम्मेद्वारी दिएकी छिन् । अहिले घरदैलो र चुनावी सभामा व्यस्त मीनाको योजना आफ्नो नगरमा समतामूलक समाजको निर्माण गरी नगरको विकास गर्नु रहेको छ ।
महिलाहरुको क्षमता विकास, न्याय र महिलाहरुलाई आर्थिक रुपमा बलियो बनाउन राजनीति समाजसेवामार्फत उनले खेलेको भूमिका अतुलनीय छ । योग्य र प्रभाव राख्न सक्ने उम्मेद्वारका रुपमा उनलाई लिइन्छ । मिसन र भिजन दुवै भएकी मीना विशेष गरेर उर्लाबारीमा आम महिला दिदी बहिनीमाझ परिचित छिन् । सानैबाट निडर र हक्की स्वभावकी मीनामा केही गर्नुपर्छ भन्ने सोच आउने गर्दथ्यो । उनी बाल्यकाल सम्झँदै भन्छिन्, ‘विभिन्न आरोह र अवरोहका बीचमा बाल्यकाल र युवा अवस्था बित्यो । सधैँ नेकपा एमालेलाई संकटमा सतिसाल भएर उभिएँ । आज पार्टीले उपमेयरको लागि मैदानमा खडा गर्दैगर्दा जनताको माझमा गएर प्रत्यक्ष सेवा गर्ने अवसर पाउँछु भन्नेमा पूर्ण विश्वस्त छु ।’
मीना भन्छिन्, ‘उर्लाबारीमा साविक राजघाट पछाडि परेको क्षेत्र हो । यो क्षेत्रबाट पहिलो पटक उपमेयर बन्ने अवसर प्राप्त भएको छ ।’ नगरको सन्तुलित विकासका लागि आफ्नो जीत आवश्यक रहेको बताउँदै उनले यस पटक सूर्य चिह्नमा मतदान गरी विजयी गराउनेमा आशावादी रहेको बताइन् । उनले नेकपा एमालेका सबै उम्मेद्वारलाई मतदान गरी विजयी गराउन पनि आग्रह गरिन् ।
उपमेयरको उम्मेदवार हुँदै गर्दा उनको मुख्य एजेन्डा ‘सबैलाई सबै ठाउँमा समान सहभागिता र अवसर’ भन्ने रहेको छ । हरेक क्षेत्रमा महिला पुरुष साथ साथ रहनका लागि महिलाहरुको निर्णायक क्षमता बढाउने उनको पहिलो प्राथमिकतामा परेको छ । महिलाहरुको आवाज बुलन्द पार्न कुनै कमी नराख्ने उनी बताउँछिन् ।

50% LikesVS
50% Dislikes

प्रतिक्रिया

सम्बन्धित खवर

ताजा समाचार

लोकप्रिय